લુના वडा માં શીતલા માતાની પૂજા, મહિલાઓની ભારે ભીડ

શીતળા માતાની પૂજા માટે વહેલી સવારમાં વાંસીયા તળાવની પાળ, કેદારેશ્વર મહાદેવ મંદિર પરિસર અને શહેરનાં વિવિધ શેરી-મહોલ્લામાં મહિલાઓની ભારે ભીડ જોવા મળી.

પરંપરા મુજબ બ્રાહ્મણો દ્વારા તળાવ કિનારે અને મહોલ્લાઓમાં શીતળા માતાની માટીની મૂર્તિ બનાવવામાં આવી; નાનાં ઢેફા પર કંકુ, મહેંદી અને ચૂંદડીથી શણગારીને સ્થાપિત કરવામાં આવી અને પછી બ્રાહ્મણો દ્વારા સ્ત્રીઓ માટે વિધિવત પૂજાપાઠ કરવામાં આવ્યો.

મહિલાઓ હાથમાં પૂજાની થાળી લઈને, બ્રાહ્મણોના મંત્રોચ્ચારમાં પોતાના સંતાનોના લાંબા આયુષ્ય, નિરોગી સ્વાસ્થ્ય અને પરિવારને અછબડા, ઓરી જેવા રોગોથી બચાવા માટે પ્રાર્થના કરી. શીતળા માતાને આરોગ્ય અને સ્વચ્છતાની દેવી તરીકે પૂજવામાં આવે છે અને માન્યતા છે કે તેમની પૂજાથી શરીરમાં શીતળતા જળવાઈ રહે છે અને રોગચાળાથી રક્ષણ મળે છે.

લુના वडा માં આ પરંપરા આજ સુધી જળવાઈ રહી છે; આજના દિવસે કોઈના ઘરે ચૂલો સળગાવવામાં આવતો નથી અને એક દિવસ અગાઉ બનાવેલ ભોજન બધા બાસી એટલે કે ઠંડુ ભોજન જ આરોગે છે. પૂજા પૂર્ણ થયા બાદ તળાવના પાણીમાં માતાજીની માટીની મૂર્તિનું વિસર્જન કરવામાં આવે છે અને મહિલાઓ પ્રસાદ વહેંચીને પરંપરા પૂર્ણ કરે છે.

સમગ્ર વિસ્તારમાં ભક્તિમય માહોલ જોવા મળ્યો, જે સ્થાનિક સમાજમાં આ વ્રતની મહત્વતા અને સમુદાયની જોડાણને દર્શાવે છે.