અંબાજીમાં રાધાકૃષ્ણ મંદિરથી ભવ્ય નગર ભ્રમણ અને મટકી ફોડ કાર્યક્રમ યોજાયો

અંબાજીમાં રાધાકૃષ્ણ મંદિરથી ભવ્ય નગર ભ્રમણનું આયોજન કરવામાં આવ્યું હતું. આ ધાર્મિક યાત્રામાં મોટી સંખ્યામાં ભક્તો અને શ્રદ્ધાળુઓએ ઉત્સાહભેર ભાગ લીધો હતો, જેના કારણે સમગ્ર અંબાજી નગર ભક્તિમય વાતાવરણમાં તરબોળ થઈ ગયું હતું.

નગર ભ્રમણ કાર્યક્રમ સંપન્ન થયા બાદ, સૌના સહયોગથી મટકી ફોડ કાર્યક્રમનું પણ આયોજન કરવામાં આવ્યું હતું. યુવાનોએ પૂરી ઉર્જા અને ઉત્સાહ સાથે મટકી ફોડી હતી. ઉપસ્થિત ભક્તોએ 'જય રણછોડ માખણ ચોર'ના નાદ સાથે આ કાર્યક્રમની ઉજવણી કરી હતી.

આ સમગ્ર કાર્યક્રમ દરમિયાન ભક્તિ, ઉત્સાહ અને આનંદનો અનોખો માહોલ જોવા મળ્યો હતો. સ્થાનિક નાગરિકો અને દેશ-વિદેશથી આવેલા શ્રદ્ધાળુઓએ મોટી સંખ્યામાં હાજરી આપીને આ કાર્યક્રમને ભવ્ય રીતે સફળ બનાવ્યો હતો.