રસિકપુરા નજીકનો જૂનો સાબરમતી બ્રિજ બંધ, વાહનચાલકો માટે નવા બ્રિજનો ઉપયોગ

ખેડા-ધોળકા હાઈવે પર રસિકપુરા નજીકનો જૂનો સાબરમતી બ્રિજ વાહનવ્યવહાર માટે બંધ કરવામાં આવ્યો છે. ભારે વરસાદથી બ્રિજ પાસેનો રોડ ધોવાઈ ગયો અને મોટા ખાડા પડી ગયા.

અકસ્માતો ટાળવા માટે ખેડા મામલતદારે સ્થળ તપાસ કરી માર્ગ અને મકાન વિભાગને બ્રિજ બંધ કરવા સૂચના આપી હતી.

સૂચના બાદ, માર્ગ અને મકાન વિભાગ દ્વારા ગુરુવારે સવારે રસિકપુરાના જૂના સાબરમતી બ્રિજ પાસે બેરિકેડ્સ ગોઠવી દેવામાં આવ્યા હતા.

આ બ્રિજ બંધ થતાં, વાહનચાલકો ખેડા અને ધોળકા તરફ જવા માટે બાજુમાં બનેલા નવા સાબરમતી બ્રિજનો ઉપયોગ કરી શકશે.