માંગરોળમાં નવા પી.આઈ.એ શરુ કરી કડક કાર્યવાહી: ખાટકીવાળા વિસ્તારમાંથી ગૌવંશનું માંસ અને ૬ જીવંત પશુઓ જપ્ત

માંગરોળ પોલીસ સ્ટેશનના નવનિયુક્ત પી.આઈ. એચ.કે. હુંબલ મેડમે ચાર્જ સંભાળતાની સાથે જ ગુનેગારો સામે લાલ આંખ કરી છે.

ખાટકીવાળા વિસ્તારમાં રહેણાક મકાનમાં દરોડો પાડવામાં આવ્યો હતો.

દરોડા દરમિયાન સ્થળ પરથી શંકાસ્પદ કતલ કરાયેલ ગૌવંશનો માંસનો જથ્થો અને અત્યંત ક્રૂરતાપૂર્વક બાંધેલા નાના વાછરડાં સહિત કુલ ૬ જીવંત પશુઓ મળી આવ્યા હતા.

પોલીસે તમામ જીવંત પશુઓને મુક્ત કરાવી તેમની સંભાળની વ્યવસ્થા કરી છે. માંસના નમૂના FSL લેબોરેટરીમાં મોકલવામાં આવ્યા છે, અને રિપોર્ટ બાદ આગળની કાયદેસરની સખત કાર્યવાહી હાથ ધરવામાં આવશે.