ಲಿಂಗಸುಗೂರು: ನಿಯಮ ಉಲ್ಲಂಘನೆ - ಯಲಗಲದಿನ್ನಿ ಲೇಔಟ್ ತಾತ್ಕಾಲಿಕ ವಿನ್ಯಾಸ ನಕಾಶೆ ರದ್ದುಗೊಳಿಸಿದ ನಗರ ಯೋಜನಾ ಪ್ರಾಧಿಕಾರ

ನಿಯಮ ಉಲ್ಲಂಘಿಸಿದ ಯಲಗಲದಿನ್ನಿ ಲೇಔಟ್ ನಕಾಶೆ ರದ್ದು

ಲಿಂಗಸುಗೂರು: ಲಿಂಗಸುಗೂರು ನಗರ ಯೋಜನಾ ಪ್ರಾಧಿಕಾರವು ನಿಯಮ ಉಲ್ಲಂಘಿಸಿ ತಯಾರಿಸಿದ್ದ ಯಲಗಲದಿನ್ನಿ ಲೇಔಟ್ ತಾತ್ಕಾಲಿಕ ವಿನ್ಯಾಸ ನಕಾಶೆಯನ್ನು ರದ್ದುಗೊಳಿಸಿದೆ.

ಲಿಂಗಸುಗೂರು ತಾಲೂಕಿನ ಯಲಗಲದಿನ್ನಿ ಗ್ರಾಮದ ಸರ್ವೇ ನಂಬರ್ 65/2, 65/3 ಹಾಗೂ 65/5 ರಲ್ಲಿ ಭೂಮಾಲೀಕರ ತೋಟಿ ಲೇಔಟ್ ನಿರ್ಮಾಣಕ್ಕಾಗಿ ನಗರ ಯೋಜನಾ ಪ್ರಾಧಿಕಾರಕ್ಕೆ ದಿನಾಂಕ 28-10-2025 ರಂದು ನಕಾಶೆ ಸಲ್ಲಿಸಲಾಗಿತ್ತು.

ನಿಯಮದಂತೆ ವಿದ್ಯುತ್ ಮಾರ್ಗ ಹಾದುಹೋಗುವ ಜಾಗದಲ್ಲಿ ರಸ್ತೆಯ ಮಧ್ಯದಿಂದ ಎರಡೂ ಬದಿಗೆ 17.5 ಮೀಟರ್ ಅಂದರೆ ಒಟ್ಟು 35 ಮೀಟರ್ ಅಂತರ ಕಾಯ್ದಿರಿಸಬೇಕು. ಆದರೆ ಈ ಲೇಔಟ್ ನಲ್ಲಿ ಅಂತಹ ಅಂತರ ಕಾಯ್ದಿರಿಸದೆ ರಸ್ತೆಗಳನ್ನು ಹಾಕಲಾಗಿದೆ. ಜೊತೆಗೆ 220 ಕೆ.ವಿ ವಿದ್ಯುತ್ ಮಾರ್ಗದ ಕೆಳಗೆ ಲೇಔಟ್ ಮಾಡಿರುವುದು ಸುರಕ್ಷಾ ದೃಷ್ಟಿಯಿಂದ ಅಪಾಯಕಾರಿಯಾಗಿದೆ.

ಈ ನಿಯಮ ಉಲ್ಲಂಘನೆಗಳನ್ನು ಗಮನಿಸಿದ ನಗರ ಯೋಜನಾ ಪ್ರಾಧಿಕಾರ, ಸಭೆಯಲ್ಲಿ ಸರ್ವಾನುಮತದಿಂದ ತಾತ್ಕಾಲಿಕ ವಿನ್ಯಾಸವನ್ನು ರದ್ದುಗೊಳಿಸಲು ತೀರ್ಮಾನಿಸಿದೆ. ವಿದ್ಯುತ್ ಮಾರ್ಗದಿಂದ ಸುರಕ್ಷಿತ ಅಂತರ ಕಾಯ್ದುಕೊಂಡು ನೂತನ ವಿನ್ಯಾಸವನ್ನು ಸಲ್ಲಿಸಿದರೆ ಮಾತ್ರ ಅನುಮೋದನೆ ನೀಡಲಾಗುವುದು ಎಂದು ಲೇಔಟ್ ಮಾಲೀಕರಿಗೆ ಅಧಿಕೃತವಾಗಿ ತಿಳಿಸಲಾಗಿದೆ.

ಸುರಕ್ಷತಾ ನಿಯಮಗಳನ್ನು ಪಾಲಿಸಿ ಪುನರ್ ವಿನ್ಯಾಸ ಮಾಡಿ ಸಲ್ಲಿಸುವಂತೆ ಪ್ರಾಧಿಕಾರ ಸೂಚನೆ ನೀಡಿದೆ.