ଷ୍ଟେସନରେ ଚଳନ୍ତା ଟ୍ରେନ୍‌ ଆଗକୁ ଡେଇଁ ପଡ଼ିଲେ ଯୁବକ; ଅଲଗା ହୋଇଗଲା ମୁଣ୍ଡଗଣ୍ଡି

ଷ୍ଟେସନରେ ଚଳନ୍ତା ଟ୍ରେନ୍ ଆଗକୁ ଡେଇଁ ପଡ଼ିଲେ ଯୁବକ। କଟିଗଲା ମୁଣ୍ଡ। ରବିବାର ଅପରାହ୍ନ ପ୍ରାୟ ୧ଟା ବେଳେ ଭଦ୍ରକ ରେଳ ଷ୍ଟେସନରେ ଘଟିଛି ଏହି ଘଟଣା। ମୃତ ଯୁବକଙ୍କ ପରିଚୟ ମିଳିନାହିଁ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ସିଆଲଦା ସ୍ପେଶାଲ ଟ୍ରେନ୍‌ଟି ଦ୍ରୁତଗତିରେ ଭଦ୍ରକ ରେଳ ଷ୍ଟେସନର 3 ନଂ ପ୍ଲାଟଫର୍ମ ଦେଇ ଯାଉଥିବା ବେଳେ ଏହି ଯୁବକ ଜଣଙ୍କ ଦୌଡ଼ିଦୌଡ଼ି ଆସି ତା’ ଆଗରେ ଡେଇଁ ପଡ଼ିଥିଲେ। ଟ୍ରେନ୍‌ରେ କଟି ତାଙ୍କ ମୁଣ୍ଡଗଣ୍ଡି ଅଲଗା ହୋଇଯାଇଥିଲା।
ରେଳବାଇ ପୁଲିସ ମୃତଦେହକୁ ଜବତ କରିଛି। ଯୁବକ ଜଣଙ୍କ ପରିଚୟ ମିଳି ନଥିବା ବେଳେ ସେ କାହିଁକି ଏମିତି ଏକ ପଦକ୍ଷେପ ନେଲେ, ତାହା ଜଣାପଡ଼ନାହିଁ। ରେଳବାଇ ପୁଲିସ ପକ୍ଷରୁ ଘଟଣାର ଖୋଳତାଡ଼ କରାଯାଉଛି।