દેવગઢ બારિયા: રૂવાબારી મુવાડા ગામના કુવામાંથી અજગરનું સફળ રેસ્ક્યૂ

દેવગઢ બારિયા તાલુકાના રૂવાબારી મુવાડા ગામ ખાતે સુરેશભાઈ ભારતભાઈ પટેલ ના કુવામાં અજગર પડી ગયો હોવાની ઘટના બની હતી. સુરેશભાઈ પટેલ દ્વારા આ અંગેની જાણ વન વિભાગને કરવામાં આવતા, વન વિભાગની ટીમ તાત્કાલિક ઘટના સ્થળે પહોંચી હતી.

વન વિભાગના કર્મચારીઓ અને વન્યજીવ બચાવ ટીમ દ્વારા ભારે જહેમત બાદ કુવામાંથી અજગરને સુરક્ષિત રીતે બહાર કાઢવામાં સફળતા મળી હતી. આ રેસ્ક્યૂ ઓપરેશન દરમિયાન સ્થાનિક લોકો પણ હાજર રહ્યા હતા.

બહાર કાઢવામાં આવેલા અજગરને ત્યારબાદ તેના કુદરતી રહેઠાણમાં સુરક્ષિત રીતે છોડી દેવામાં આવ્યો હતો. આ ઘટનાને પગલે સ્થાનિક લોકોમાં રાહતની લાગણી પ્રસરી હતી.
રિપોર્ટર. સુરેશકુમાર લબડા