સુરેન્દ્રનગરમાં એસ.પી. પ્રેમસુખ ડેલૂની હાજરીમાં પોલીસ હેડ ક્વાર્ટર ખાતે ઇકો-ફ્રેન્ડલી ગણેશ વિસર્જન કરાયું..

સુરેન્દ્રનગર પોલીસ હેડ ક્વાર્ટર ખાતે સ્થાપિત કરવામાં આવેલી ઇકો-ફ્રેન્ડલી ગણેશજીની મૂર્તિનું આજરોજ ભાદરવા સુદ નોમના પવિત્ર દિવસે સંપૂર્ણ ભક્તિભાવ અને ધામધૂમથી વિસર્જન કરવામાં આવ્યું હતું.આ પ્રસંગે સુરેન્દ્રનગર જિલ્લા પોલીસ અધિક્ષક (એસ.પી.) પ્રેમસુખ ડેલૂ અને સમગ્ર પોલીસ પરિવાર ઉપસ્થિત રહ્યો હતો..

પર્યાવરણની સુરક્ષા અને જતનનો સુંદર સંદેશ આપવા માટે પોલીસ હેડ ક્વાર્ટર પરિસરમાં જ એક કૃત્રિમ તળાવ બનાવવામાં આવ્યું હતું. આ કૃત્રિમ તળાવમાં ગણપતિ બાપ્પાની મૂર્તિનું શાસ્ત્રોક્ત વિધિ અનુસાર પૂજન-અર્ચન કરીને વિસર્જન કરવામાં આવ્યું હતું. આ આયોજન દ્વારા પોલીસે પર્યાવરણ બચાવવાનો એક ઉત્કૃષ્ટ સંદેશ સમાજ સમક્ષ રજૂ કર્યો છે.આ ધાર્મિક આયોજનમાં સમગ્ર પોલીસ પરિવારે ભારે ઉત્સાહ અને ભક્તિભાવપૂર્વક ભાગ લીધો હતો. "ગણપતિ બાપ્પા મોરિયા, પુડચા વર્ષી લૌકરિયા..!" ના નારાઓ સાથે બાપ્પાને ભાવભીની વિદાય આપવામાં આવી હતી.