સમીના ગોચનાદ બનાસ નદીમાં આવ્યા નવા નીર, ખેડૂતોમાં ખુશીનો માહોલ

સમીના ગોચનાદ બનાસ નદીમાં આવ્યા નવા નીર, ખેડૂતોમાં ખુશીનો માહોલ

સમી તાલુકાના ગોચનાદ ગામે પસાર થતી બનાસ નદીમાં નવા નીર આવતા ખેડૂતોમાં ખુશીનો માહોલ છવાયો છે.

ચાલુ ચોમાસાની સીઝનમાં પૂરતા પ્રમાણમાં વરસાદ ન વરસતા ખેડૂતોમાં ચિંતાના વાદળો ઘેરાયા હતા. વાવેલા પાકો સુકાઈ જવાની ભીતિ સેવાઈ રહી હતી.

ત્યારે ઉપરવાસમાથી પાણી સોડવામા આવતા ગોચનાદની બનાસ નદીમાં નવા નીર આવ્યા છે.

નદીમાં પાણીની આવક થતાં ખેતરોમાં વાવેલા પાકને જીવનદાન મળશે. કૂવા-બોરમાં પણ પાણીના તળ ઊંચા આવવાની આશા બંધાઈ છે. જેને લઈને ખેડૂતોમાં અનેરો ઉત્સાહ જોવા મળી રહ્યો છે.