સિહોરમાં પોલીસની મોટી કાર્યવાહી: 94 બોટલ વિદેશી દારૂ સાથે બે શખ્સો ઝડપાયા

ભાવનગર જિલ્લાના સિહોરમાં પોલીસ દ્વારા દારૂના ગેરકાયદેસર વેચાણ સામે કડક કાર્યવાહી હાથ ધરવામાં આવી છે. પોલીસની ટીમને મળેલી ચોક્કસ બાતમીના આધારે કરવામાં આવેલી આ કાર્યવાહીમાં 94 બોટલ વિદેશી દારૂનો જથ્થો ઝડપી પાડવામાં આવ્યો છે.

આ દરોડા દરમિયાન પોલીસે બે આરોપીઓની ધરપકડ કરી છે, જ્યારે એક આરોપી પોલીસને ચકમો આપી ફરાર થઈ ગયો છે. હાલ પોલીસ દ્વારા ફરાર આરોપીને પકડવા માટેના ચક્રો ગતિમાન કરવામાં આવ્યા છે.

ઉલ્લેખનીય છે કે, લઠ્ઠાકાંડની ઘટના બાદ રાજ્યભરમાં દારૂના ગેરકાયદેસર વેચાણ અને હેરાફેરી સામે પોલીસ તંત્ર વધુ સતર્ક બન્યું છે. સિહોર પોલીસ દ્વારા આ સમગ્ર મામલે વધુ તપાસ હાથ ધરીને કાયદેસરની કાર્યવાહી કરવામાં આવી રહી છે.