ઇડરના સપ્તેશ્વર નદીમાં બે યુવાનો ડૂબ્યા, ફાયર વિભાગ દ્વારા શોધખોળ શરૂ

સાબરકાંઠા જિલ્લાના ઇડર તાલુકામાં આવેલી સપ્તેશ્વર નદીમાં બે યુવાનો પાણીમાં ડૂબી જવાની ઘટના સામે આવી છે. નદીના ઊંડા પાણીમાં ગરકાવ થયેલા આ યુવાનોની ઓળખ હજુ સુધી થઈ શકી નથી.

ઘટનાની જાણ થતા જ સ્થાનિક તંત્ર દ્વારા તાત્કાલિક બચાવ કામગીરી શરૂ કરવામાં આવી છે. યુવાનોને શોધવા માટે ઇડર, હિંમતનગર અને વિજાપુરની ફાયર વિભાગની ટીમોને ઘટનાસ્થળે બોલાવવામાં આવી છે.

હાલમાં ફાયર વિભાગના જવાનો દ્વારા નદીના પટમાં સઘન શોધખોળ હાથ ધરવામાં આવી છે. આસપાસના વિસ્તારમાં પણ યુવાનોની ભાળ મેળવવા માટે પ્રયાસો કરવામાં આવી રહ્યા છે.