અમરેલીના લાલાવદરમાં 66 KV સબસ્ટેશન અને રોડના કામોનું ખાતમુહૂર્ત મંત્રી કૌશિકભાઈ વેકરીયાના હસ્તે કરાશે

અમરેલી જિલ્લાના લાલાવદર ગામમાં વિકાસ કાર્યોને વેગ આપવા માટે એક મહત્વપૂર્ણ કાર્યક્રમનું આયોજન કરવામાં આવ્યું છે. તારીખ 06/09/2026, રવિવારના રોજ બપોરે 2:30 વાગ્યે લાલાવદર ખાતે સ્પોર્ટ સંકુલની બાજુમાં આ ખાતમુહૂર્ત કાર્યક્રમ યોજાશે. આ કાર્યક્રમમાં વિસ્તારના ધારાસભ્ય અને રાજ્યના ઊર્જા તેમજ પેટ્રોકેમિકલ્સ મંત્રી શ્રી કૌશિકભાઈ વેકરીયા મુખ્ય અતિથિ તરીકે ઉપસ્થિત રહીને પોતાના વરદ હસ્તે ખાતમુહૂર્ત કરશે.

આ કાર્યક્રમ અંતર્ગત ગામમાં 66 KV સબસ્ટેશનની કામગીરી તેમજ તળાવના પાળા પાસે રોડ બનાવવાના કામનું ખાતમુહૂર્ત કરવામાં આવશે. આ વિકાસલક્ષી પ્રોજેક્ટ્સથી લાલાવદર ગામ અને આસપાસના વિસ્તારમાં માળખાગત સુવિધાઓ વધુ સુદ્રઢ બનશે.

આ કાર્યક્રમ અંગે અમરેલી જિલ્લા યુવા ભાજપ પ્રમુખ અને લાલાવદરના ઉપસરપંચ ચેતનભાઈ ઘાનાણી દ્વારા તમામ ગ્રામજનોને હાર્દિક આમંત્રણ પાઠવવામાં આવ્યું છે. તેમણે લાલાવદરના તમામ ગ્રામજનોને આ ગરિમાપૂર્ણ અવસરે મોટી સંખ્યામાં હાજર રહેવા અપીલ કરી છે.