🔥 TRENDING बहोरनपुर थाना क्षेत्र के टीकापुर गांव... પ્રાકૃતિક ખેતીથી અશોકભાઈ તડવી બન્યા આત... ગોધરામાં ખોરાક અને ઔષધ નિયમન તંત્રની મ... सयला के बवत्रा गांव की स्कूल में शिक्ष... शहीद पवन यादव के अंतिम संस्कार में हंग... ब्यावर जवाजा पंचायत समिति के वार्ड‑4 म...
20 Nov 2026•
ગુજરાતી मराठी ਪੰਜਾਬੀ বাংলা
Jobs & Career

୩୦ ତାରିଖରେ ଅବସର ନେବେ ଡିଜିପି ବିନୟତୋଷ ମିଶ୍ର, ଏହା ପରେ କିଏ ?

✍️ Reporter: Deepak Mahapatra 🗓 20 Nov 2026, 02:57 PM 👁 21
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ଓଡ଼ିଶା ପୋଲିସ କ୍ରାଇମବ୍ରାଞ୍ଚ-ସିଆଇଡି ଡିଜି ତଥା କାର୍ଯ୍ୟକାରୀ ଆରକ୍ଷୀ ମହାନିର୍ଦ୍ଦେଶକ ଆଇପିଏସ୍ ବିନୟତୋଷ ମିଶ୍ର ଖୁବ ଶୀଘ୍ର ଅବସର ନେବାକୁ ଯାଉଛନ୍ତି । ଚଳିତ ମାସ ୩୦ ତାରିଖରେ ଡିଜିପି ମିଶ୍ର ଅବସର ଗ୍ରହଣ କରିବେ । ସେ ୬୦ ବର୍ଷ ବୟସ ପୂରଣ କରୁଥିବାରୁ ଅବସର ନେବାକୁ ରାଜ୍ୟ ଗୃହ ବିଭାଗ ଅନୁମତି ପ୍ରଦାନ କରିଛି ।

୧୯୬୬ ମସିହା ନଭେମ୍ବର ୩୦ ତାରିଖରେ ଆଇପିଏସ୍ ବିନୟତୋଷ ମିଶ୍ର ଜନ୍ମ ଗ୍ରହଣ କରିଥିଲେ । ୧୯୯୩ ବ୍ୟାଚ୍ ଓଡ଼ିଶା କ୍ୟାଡର୍ ଆଇପିଏସ୍ ଅଫିସର ଶ୍ରୀଯୁକ୍ତ ମିଶ୍ର ତିନି ଦଶନ୍ଧି ହେବ ପୋଲିସ ସେବାରେ ନିଜକୁ ଉତ୍ସର୍ଗ କରିଛନ୍ତି । ସେ ବର୍ତ୍ତମାନ ଓଡ଼ିଶା ପୋଲିସ ମୁଖ୍ୟ ଭାବେ ଅତିରିକ୍ତ ଦାୟିତ୍ୱ ତୁଲାଉଛନ୍ତି । ସେ ମେକାନିକାଲ୍ ଇଞ୍ଜିନିୟରିଂ ପଢ଼ା ଶେଷ କରିବା ପରେ ପ୍ରଶାସନିକ ସେବାରେ ଯୋଗ ଦେଇଥିଲେ । ୨୦୨୦ରେ ଏସସିଆରବି ଏଡିଜିପି ଓ ୨୦୨୫ରେ କ୍ରାଇମବ୍ରାଞ୍ଚ ଡିଜି ଭାବେ ପଦୋନ୍ନତି ପାଇଥିଲେ ।

ତାଙ୍କର ଦୀର୍ଘ ୩୩ବର୍ଷର କାର୍ଯ୍ୟକାଳ ମଧ୍ୟରେ ଅନେକ ସମ୍ମାନରେ ସମ୍ମାନୀତ ହୋଇଛନ୍ତି । ଆନ୍ତରୀକ ସୁରକ୍ଷା ସେବା ପଦକ (୨୦୧୭), ଉଲ୍ଲେଖନୀୟ ସେବା ପାଇଁ ରାଷ୍ଟ୍ରପତି ପୋଲିସ ପଦକ (୨୦୧୬), ସାହାସିକତା ପାଇଁ ପୋଲିସ ପଦକ (୨୦୦୯) ସମ୍ମାନରେ ସମ୍ମାନୀତ ହୋଇଛନ୍ତି ।

ପୂର୍ଣ୍ଣକାଳୀନ ଡିଜିପି ନିଯୁକ୍ତି କେବେ ?
ସେପଟେ ଓଡ଼ିଶା ପୋଲିସ ଡିଜିପି ପଦବୀ ନିଯୁକ୍ତିକୁ ନେଇ ଏବେବି ଅଡ଼ୁଆ ତୁଟିନାହିଁ । ତେଣୁ ବିନୟତୋଷଙ୍କ ପରେ କିଏ ଏହି ଆସନରେ ବସିବେ ତାହା ଆଲୋଚ୍ୟର ବିଷୟ । ପୂର୍ବତନ ଡିଜିପି ଯୋଗେଶ ବାହାଦୂର ଖୁରାନିଆଙ୍କ କାର୍ଯ୍ୟକାଳ ସରିବା ପୂର୍ବରୁ ଡିଜିପି ନିଯୁକ୍ତିକୁ ନେଇ ବିବାଦ ଆରମ୍ଭ ହୋଇଥିଲା । ରାଜ୍ୟ ସରକାର କ୍ରାଇମବ୍ରାଞ୍ଚ-ସିଆଇଡି ଡିଜି ଦାୟିତ୍ୱରେ ଥିବା ବିନୟତୋଷ ମିଶ୍ରଙ୍କୁ ଅତିରିକ୍ତ ଦାୟିତ୍ୱ ପ୍ରଦାନ କରିଥିଲେ । ଅଗଷ୍ଟ ୧୬ ତାରିଖରେ ବିନୟତୋଷ ମିଶ୍ର ରାଜ୍ୟ ପୋଲିସର କାର୍ଯ୍ୟକାରୀ ଡିଜିପି ଭାବେ କାର୍ଯ୍ୟ କରିଆସୁଛନ୍ତି ।

ଡିଜିପି ନିଯୁକ୍ତି ମାମଲା ସୁପ୍ରିମକୋର୍ଟରେ ବିଚାରଧୀନ ରହିଛି । ଅକ୍ଟୋବର ୨୯ ତାରିଖରେ ସୁପ୍ରିମକୋର୍ଟ ଡିଜିପି ନିଯୁକ୍ତି ମାମଲାର ଶେଷ ଶୁଣାଣି କରିଛନ୍ତି । ଆସନ୍ତା ନଭେମ୍ବର ୨୬ ତାରିଖରେ ମାମଲାର ରାୟ ପ୍ରକାଶ ପାଇବ । ଏହା ପରେ ତୁରନ୍ତ କେନ୍ଦ୍ର ଗୃହ ବିଭାଗ ପକ୍ଷରୁ ଡିଜିପି ଚୟନ ଓ ଘୋଷଣା କରାଯିବାର ସମ୍ଭାବନା ରହିଛି ।
📲Get App