વૈભવ સૂર્યવંશી બન્યા પૂર્વ ઝોન ટીમના ઉપ-કેપ્ટન

ભારતીય ક્રિકેટના યુવા સ્ટાર વૈભવ સૂર્યવંશીને વધુ એક મોટી તક મળી છે. 23 ઓગસ્ટથી શરૂ થનારી 2026 દુલીપ ટ્રોફી માટે તેમને પૂર્વ ઝોન ટીમનો ઉપ-કેપ્ટન બનાવવામાં આવ્યો છે.

ટીમની કમાન ઈશાન કિશન સંભાળશે, જ્યારે ઝિમ્બાબ્વે પ્રવાસમાં શાનદાર પ્રદર્શન કરનાર વૈભવ હવે રેડ-બોલ ક્રિકેટમાં પણ પોતાની છાપ છોડવા તૈયાર છે.

પૂર્વ ઝોનની ટીમમાં મોહમ્મદ શમી અને મુકેશ કુમાર જેવા અનુભવી ખેલાડીઓનો પણ સમાવેશ થયો છે. યુવા પ્રતિભા પર મૂકાયેલો આ વિશ્વાસ હવે મેદાન પર કેટલો રંગ લાવે છે, તેના પર સૌની નજર રહેશે.