મહેમદાવાદ ધારાસભ્ય શ્રી અર્જુનસિંહ ચૌહાણે રીંછોલ ગામની મુલાકાત લઈ પાણી નિકાલની સમસ્યા હલ કરી

મહેમદાવાદ વિધાનસભાના ધારાસભ્ય શ્રી અર્જુનસિંહ ચૌહાણે કુદરતી આપત્તિની સ્થિતિમાં લોકોના વિશ્વાસ સમાન બનીને તેમના ગામ રીંછોલની મુલાકાત લીધી હતી. ગામમાં લગભગ 40 વીઘા જમીનમાં પાણી ભરાઈ જવાની ગંભીર સમસ્યા સર્જાઈ હતી, જેના નિકાલ માટે ધારાસભ્ય તાત્કાલિક ઘટના સ્થળે પહોંચી ગયા હતા.

ધારાસભ્ય શ્રી ચૌહાણે સ્થળ પર પહોંચીને પરિસ્થિતિની ઝીણવટપૂર્વક નોંધ લીધી હતી અને પાણીના નિકાલ માટે જરૂરી પગલાં ભરવાની સૂચના આપી હતી. તેમણે રીંછોલ ગામની અન્ય સમસ્યાઓ જેવી કે વીજળીની સમસ્યા અને પાણીના નિકાલ અંગે પણ ચિંતન કર્યું હતું.

આ મુલાકાત દરમિયાન, ધારાસભ્ય શ્રી અર્જુનસિંહ ચૌહાણે ચાલુ માસમાં ગૌરીવ્રત કરતી બાળાઓને આશીર્વાદ પણ આપ્યા હતા. ગામલોકોએ પાણી નિકાલની સમસ્યાના તાત્કાલિક નિરાકરણ માટે ધારાસભ્યનો ખૂબ ખૂબ આભાર વ્યક્ત કર્યો હતો.