సొసైటీ ఎన్నికల్లో ఓటు హక్కుకు ఈ-కేవైసీ తప్పనిసరి! చింతపల్లి కో-ఆపరేటివ్ సొసైటీ సభ్యులకు చైర్‌పర్సన్ గెమ్మెలి అబ్బాయి నాయుడు సూచన
త్వరలో నిర్వహించనున్న చింతపల్లి ప్రాథమిక వ్యవసాయ పరపతి సహకార సంఘం (కో-ఆపరేటివ్ సొసైటీ) ఎన్నికల నేపథ్యంలో సభ్య రైతులందరూ తప్పనిసరిగా ఈ-కేవైసీ ప్రక్రియను పూర్తి చేసుకోవాలని సొసైటీ చైర్‌పర్సన్ గెమ్మెలి అబ్బాయి నాయుడు సూచించారు.ఈ మేరకు సొసైటీలోని రైతు సభ్యులకు ఇప్పటికే సమాచారం అందించినట్లు ఆయన తెలిపారు. ఎవరూ నిర్లక్ష్యం చేయకుండా వెంటనే చింతపల్లి కో-ఆపరేటివ్ సొసైటీ కార్యాలయానికి చేరుకుని ఈ-కేవైసీ పూర్తి చేసుకోవాలని కోరారు.ఈ ప్రక్రియ కోసం రైతులు తమ ఆధార్ కార్డు, ఆధార్‌కు అనుసంధానమైన మొబైల్ ఫోన్‌ను వెంట తీసుకురావాలని సూచించారు. రాబోయే సొసైటీ ఎన్నికల్లో ఓటు హక్కుకు సంబంధించి ఎలాంటి ఇబ్బందులు ఎదురుకాకుండా ముందస్తుగా ఈ-కేవైసీ అప్‌డేట్ చేసుకోవాలని అబ్బాయి నాయుడు తెలిపారు. రైతు సభ్యులందరూ ఈ విషయాన్ని గమనించి సహకరించాలని విజ్ఞప్తి చేశారు.