સુરતની નવી સિવિલ હોસ્પિટલમાં કિડની અને યુરોલોજી વિભાગના દર્દીઓ માટે એક જ સ્થળે સારવારની સુવિધા

દર્દીઓને ગુણવત્તાસભર અને સુલભ આરોગ્ય સેવાઓ મળી રહે તે અમારી સર્વોચ્ચ પ્રાથમિકતા છે. આ સંદર્ભમાં સુરત ખાતે આવેલી નવી સિવિલ હોસ્પિટલમાં યુરોલોજી અને નેફ્રોલોજી વિભાગની OPDનું કિડની બિલ્ડિંગના પ્રથમ માળે સ્થળાંતર કરવામાં આવ્યું છે.

આ નવી વ્યવસ્થાથી કિડની અને યુરોલોજી સંબંધિત બીમારીઓથી પીડાતા દર્દીઓને હવે એક જ બિલ્ડિંગમાં તપાસ, નિદાન, ડાયાલિસિસ સહિતની જરૂરી તબીબી સેવાઓનો લાભ મળી રહેશે. પરિણામે દર્દીઓ અને તેમના સ્વજનોની અવરજવર ઘટશે, સમયની બચત થશે અને સારવારની પ્રક્રિયા વધુ સરળ તથા સુવ્યવસ્થિત બનશે.

આ ઉપરાંત, શોકવેવ લિથોટ્રિપ્સી, યુરોફ્લોમેટ્રી અને યુરોડાયનેમિક સ્ટડી જેવી આધુનિક તબીબી સુવિધાઓ પણ દર્દીઓને ઉપલબ્ધ છે.