ଲଗାଣ ବର୍ଷା ଯୋଗୁଁ ବାଲିବାଡ଼ ଘାଟି ରାସ୍ତାରେ ଭୂସ୍ଖଳନ, ୫ ଖଣ୍ଡ ଗାଁକୁ ଯୋଗାଯୋଗ ବିଚ୍ଛିନ୍ନ

ଗଜପତି : ଲଗାଣ ବର୍ଷା ଯୋଗୁଁ ଗଜପତି ଜିଲ୍ଲା ମୋହନା ଅଞ୍ଚଳର ବାଲିବାଡ଼ ଘାଟି ରାସ୍ତାରେ ଭୂସ୍ଖଳନ ଘଟିଛି । ପାହାଡ଼ ଉପରୁ ବଡବଡ ମାଟି ଅତଡ଼ା ଓ ପଥର ଖସିବା ଫଳରେ ସମ୍ପୂର୍ଣ୍ଣ ଘାଟି ରାସ୍ତା ଅବରୋଧ ହୋଇଯାଇଛି ।
ଏହି ଭୂସ୍ଖଳନ ଯୋଗୁଁ ବାଲିବାଡ଼ ଗାଁ ସମେତ ପାଖାପାଖି ୫ ଖଣ୍ଡ ଗାଁକୁ ବାହ୍ୟ ଯୋଗାଯୋଗ ସମ୍ପୂର୍ଣ୍ଣ ଭାବେ ବିଚ୍ଛିନ୍ନ ହୋଇଯାଇଛି । ରାସ୍ତା ଉପରେ ପଥର ଓ ମାଟି ଜମି ରହିଥିବାରୁ ସେହି ମାର୍ଗରେ ଗାଡ଼ି ମୋଟର ଚଳାଚଳ ସମ୍ପୂର୍ଣ୍ଣ ଠପ୍ ହୋଇଯାଇଛି ।
ସ୍ଥାନୀୟ ପ୍ରଶାସନ ଘଟଣା ସ୍ଥଳରେ ପହଞ୍ଚି ଜେସିବି ସାହାଯ୍ୟରେ ରାସ୍ତାରୁ ମାଟି ଓ ପଥର ହଟାଇବା ସହ ଯାତାୟତ ସ୍ୱାଭାବିକ କରିବା ପାଇଁ ପ୍ରକ୍ରିୟା ଆରମକରିଛି। ସୁରକ୍ଷା ଦୃଷ୍ଟିରୁ ଏହି ଘାଟି ରାସ୍ତା ଦେଇ ଯାତ୍ରା ନକରିବାକୁ ଅଞ୍ଚଳବାସୀଙ୍କୁ ପରାମର୍ଶ ଦିଆଯାଉଛି।