રાપર અને ભચાઉમાં ૬૧ પોલીસ અધિકારીઓનું મેગા કોમ્બિંગ: ૧૩૪ વાહનો ચેક, ૪૪ પ્રોહિબિશન બુટલેગરો પકડાયા

રાપર પોલીસ સ્ટેશન વિસ્તારમાં ૬૧ પોલીસ અધિકારીઓની ટીમે મેગા કોમ્બિંગ ઓપરેશન હાથ ધર્યું, જેમાં ૧૩૪ વાહનોનું ચેકિંગ અને અસામાજિક તત્ત્વો સામે કડક કાર્યવાહી કરવામાં આવી. આ ઓપરેશનનો હેતુ પ્રોહિબિશન અને જુગાર જેવી ગેરકાયદેસર પ્રવૃત્તિઓને નષ્ટ કરવો હતો.

ઓપરેશનનું નેતૃત્વ રાપર પોલીસ ઇન્સ્પેક્ટર શ્રી આર.એલ. ખટાણાએ કર્યું, જ્યારે પોલીસ મહાનિરીક્ષક શ્રી ચિરાગ કોરડીયા અને ભચાઉ વિભાગના નાયબ પોલીસ અધિક્ષક શ્રી સાગર સાંબડાના માર્ગદર્શન હેઠળ કામ થયું. બોર્ડર રેન્જ ભુજ અને પૂર્વ કચ્છના પોલીસ અધિક્ષક શ્રી સાગર બાગમાર સાહેબની દેખરેખમાં આ કામગીરી પૂર્ણ થઈ.

આ દરમિયાન ૪૪ લિસ્ટેડ પ્રોહિબિશન બુટલેગરો, ૧૨ જાણીતા જુગારીઓ, ૩૪ અસામાજિક તત્ત્વો, ૧૪ શંકાસ્પદ ISMs, ૧૦ H.S. અને ૭૮ MCR સંબંધિત તપાસ કરવામાં આવી. ૯ કેસ G.P.A.C. કલમ ૧૩૫, ૨ કેસ M.V.A. કલમ ૧૮૫ અને ૨ કેસ B.N.S. કલમ ૨૮૧ અને ૨૮૩ હેઠળ નોંધાયા. ૯ વાહનો M.V.A. કલમ ૨૦૭ હેઠળ ડિટેઇન કરવામાં આવ્યા.

વાહનવ્યવહારના નિયમોના ભંગ બદલ ૩૯ N.C. કેસ નોંધાયા અને સ્થળ પર રૂ. ૭,૭૦૦નો દંડ વસૂલવામાં આવ્યો. ૮ અવાવરુ સ્થળો, ૧૦ બસ સ્ટેશન, ATM હોટલ અને ઢાબા સહિતના સ્થળોની તપાસ અને ૬૦ દંગા પડાવની ચકાસણી કરવામાં આવી.

આ સઘન કોમ્બિંગ ઓપરેશન દ્વારા રાપર વિસ્તારમાં કાયદો અને વ્યવસ્થા જળવાઈ રહી છે અને ગેરકાયદેસર પ્રવૃત્તિઓ સામે અસરકારક કાર્યવાહી થઈ છે.