હિંમતનગરના સવગઢમાં ગુલિસ્તા સોસાયટી તરફ જતા નવા રસ્તાનું લોકાર્પણ કરવામાં આવ્યું..

સાબરકાંઠાના-:
હિંમતનગરના સવગઢ પાનપુર પાટિયા વિસ્તારમાં ડોડિયા ફર્નિચરની બાજુમાં આવેલી ગુલિસ્તા સોસાયટી તરફ જતા નવા રસ્તાનું ભવ્ય લોકાર્પણ કરવામાં આવ્યું હતું.આ પ્રસંગે સવગઢના મહિલા સરપંચ તસ્કીનબેન અને ઈઝહાર તાંબડીયાના હસ્તે રિબન કાપીને રસ્તો જાહેર જનતા માટે ખુલ્લો મૂકવામાં આવ્યો હતો.આ લોકાર્પણ પ્રસંગે અનેક મહાનુભાવો ઉપસ્થિત રહ્યા હતા, જેમાં ડેપ્યુટી સરપંચ ફિરોઝભાઈ કંડિયા,પૂર્વ તાલુકા સદસ્ય હાજીભાઈ બાવન,તલાટી કમ મંત્રી નિશાબેન શાહ,AIMIMના સાબરકાંઠા જિલ્લા પ્રમુખ સિકંદર શેખ તેમજ ગુલિસ્તા સોસાયટીના પ્રમુખ હનીફ મકરાણી સહિતના આગેવાનોનો સમાવેશ થાય છે..

આ કાર્યક્રમમાં મોટી સંખ્યામાં ગ્રામજનો પણ હાજર રહ્યા હતા.નવા રસ્તાના લોકાર્પણથી ગુલિસ્તા સોસાયટી તરફ અવરજવર કરતા સ્થાનિક રહીશોને મોટી સુવિધા મળશે.રસ્તાના નિર્માણથી વિસ્તારના લોકોના પરિવહન અને અવરજવરમાં સરળતા રહેશે,જેનાથી સ્થાનિક રહીશોમાં ખુશીનો માહોલ જોવા મળી રહ્યો છે.