આમોદના સૂઠોદરા દાંડા ગામ નજીક નહેર પાસેથી અજાણ્યા વ્યક્તિનો મૃતદેહ મળી આવ્યો

આમોદ તાલુકાના સૂઠોદરા દાંડા ગામ નજીક અજાણ્યા વ્યક્તિનો મૃતદેહ મળી આવતાં વિસ્તારમાં ચકચાર મચી ગઈ છે. મળતી માહિતી પ્રમાણે, દિવેલાના ખેતરમાં ગયેલા એક ખેડૂતપુત્રની નજર નહેર નજીક પડેલા મૃતદેહ પર પડી હતી. આ બાબતની જાણ થતાં ઘટનાસ્થળે ભીડ જમા થઈ હતી.

આમોદ પોલીસે ઘટનાની જાણ થતાં ઘટનાસ્થળે પહોંચીને મૃતદેહને પોસ્ટમોર્ટમ માટે ખસેડ્યો છે. પોલીસ દ્વારા મૃતકની ઓળખ અને મોતનું ચોક્કસ કારણ જાણવા માટે તપાસ શરૂ કરવામાં આવી છે.

નહેર નજીકથી મૃતદેહ મળી આવતાં વિસ્તારમાં અનેક સવાલો ઊભા થયા છે. હત્યા, અકસ્માત કે અન્ય કોઈ કારણે મોત થયું હોઈ શકે છે, જેની વિગતો તપાસ બાદ જ સામે આવશે.