એ.એન.ટી.એફ. દ્વારા કડીથી ડી.સી.બી. પોલીસ સ્ટેશનના વોન્ટેડ મદકોષધોરણ આરોપીને ઝડપી પાડ્યા

અમદાવાદ શહેર ડી.સી.બી. પોલીસ સ્ટેશનમાં નાર્કોટિક્સ ડ્રગ્સ એન્ડ પ્સાયકોટ્રોપિકસ (એન.ડી.પી.એસ.) એક્ટ હેઠળ નોંધાયેલા ગુનામાં વોન્ટેડ આરોપીને કડી, જિલ્લો મહેસાણાથી ઝડપી પાડવામાં આવ્યો છે. આ કાર્યવાહી અમદાવાદ ઝોનની એન્ટી નાર્કોટિક્સ ટાસ્ક ફોર્સ (એ.એન.ટી.એફ.) દ્વારા કરવામાં આવી છે.

પોલીસ સૂત્રો મુજબ, એ.એન.ટી.એફ. અમદાવાદ ઝોનના પોલીસ સબ ઈન્સ્પેક્ટર એમ.એન. આદરેજીયા, હે.કો. એડવીન એલેક્ઝાન્ડર, હે.કો. મનોજકુમાર કાંતીલાલ, પો.કો. જયદિપસિંહ ગોપાલસિંહ અને પો.કો. હિતેષકુમાર રામજીભાઈ સાથે પેટ્રોલીંગમાં હતા. ત્યારે હે.કો. મનોજકુમાર કાંતીલાલ અને પો.કો. જયદિપસિંહ ગોપાલસિંહ બ.નં દ્વારા મળેલી સંયુક્ત ખાનગી બાતમીના આધારે આ ઝડપ કરવામાં આવી છે.

બાતમી મુજબ, અમદાવાદ શહેર ડી.સી.બી. પોલીસ સ્ટેશનમાં ગુ.ર.નં. ૧૧૧૯૧૦૧૧૨૫૦૨૨૧/૨૦૨૫ હેઠળ એન.ડી.પી.એસ. એક્ટની કલમ ૮(સી), ૨૨(સી) અને ૨૯ મુજબ ગુનો નોંધાયેલો છે. આ ગુનામાં વોન્ટેડ આરોપી અલ્પેશ કનુભાઈ પટેલને કડી, જિ. મહેસાણા ખાતે રાજમંદીર સોસાયટી, નં. ૪૬ પરથી ઝડપી પાડવામાં આવ્યો છે.

આરોપીને બી.એન.એસ.એસ. કલમ ૩૫(૧)(જે) મુજબ પકડી પાડવામાં આવ્યા બાદ વધુ કાર્યવાહી અર્થે તેને ડી.સી.બી. પોલીસ સ્ટેશન ખાતે સોંપવામાં આવ્યો છે.