ઇચ્છાપોર પોલીસની સમયસૂચકતા: પરિવાર સાથેના મનદુઃખે આત્મહત્યા તરફ વળેલી દીકરીને બચાવી

પરિવાર સાથેના મનદુઃખને કારણે આત્મહત્યાનું પગલું ભરવા જઈ રહેલી એક દીકરી માટે ઇચ્છાપોર પોલીસની PCR-74 ટીમ દેવદૂત બનીને આવી. પોલીસને આત્મહત્યાના પ્રયાસ અંગેનો કોલ મળતા જ PCR-74ની ટીમ તાત્કાલિક ઘટનાસ્થળે પહોંચી ગઈ હતી.

પોલીસ ટીમે સ્થળ પર પહોંચીને પરિસ્થિતિનો તાગ મેળવી યુવતી સાથે વાતચીત કરી. પોલીસે યુવતીને સમજાવી-સમાધાન કરી સુરક્ષિત રીતે નીચે ઉતારવામાં સફળતા મેળવી હતી. આ ઘટનામાં યુવતીને ગભરામણ અને શ્વાસ લેવામાં તકલીફ જણાતા પોલીસે સમયસૂચકતા દાખવી તાત્કાલિક 108 એમ્બ્યુલન્સ બોલાવી હતી.

એમ્બ્યુલન્સ દ્વારા યુવતીને તાત્કાલિક સારવાર માટે હોસ્પિટલ મોકલવામાં આવી હતી. પોલીસની સક્રિયતા અને સમયસરની કાર્યવાહીને કારણે એક યુવતીનો જીવ બચી ગયો હતો. આ ઘટનાની આસપાસના લોકોમાં પણ ચર્ચાનો વિષય બની હતી.