રાણીપ પોલીસે ગણતરીની મિનિટોમાં ત્રણ વર્ષની ભૂલી પડેલી બાળકીને તેના પરિવાર સાથે મિલન કરાવ્યું

રાણીપ પોલીસ સ્ટેશનના PCR 102 વાહનને એક કોલ મળ્યો હતો જેમાં જણાવવામાં આવ્યું હતું કે બલોલનગર બ્રિજ ઉતરતા ચાંદલોડીયા ખાતે એક ત્રણ વર્ષની બાળકી ભૂલી પડી છે.

આ કોલના આધારે, રાણીપ PCR 102 વાહન તાત્કાલિક ઘટના સ્થળે પહોંચ્યું હતું. પોલીસે બાળકીનો સંપર્ક કર્યો અને સ્થાનિક નાગરિકોની મદદથી ગણતરીની મિનિટોમાં જ બાળકીના પરિવારને શોધી કાઢ્યો.

પોલીસે બાળકીને સુરક્ષિત રીતે તેના પરિવારજનોને સોંપી દીધી હતી, જેનાથી પરિવારજનોએ રાહતનો શ્વાસ લીધો હતો. આ કાર્ય બદલ પોલીસની પ્રશંસા કરવામાં આવી હતી.