ചീഫ് ഇലക്ഷൻ കമ്മിഷണർ രാജിവെക്കണം: ഇലക്ട്രോണിക് വോട്ടിംഗ് മെഷീൻ നിർത്തലാക്കണം - 'വേക്കപ്പ് കേരളം' തൃശൂരിൽ പ്രതിഷേധ റാലി നടത്തി

ചീഫ് ഇലക്ഷൻ കമ്മിഷണർ രാജിവെക്കുക, ഇലക്ട്രോണിക് വോട്ടിംഗ് മെഷീൻ (ഇ വി എം) നിർത്തലാക്കുക, എസ് ഐ ആർ നിർത്തലാക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ടും, ഡൽഹിയിൽ സമരം ചെയ്യുന്ന സി ജെ പി പ്രവർത്തകർക്ക് ഐക്യദാർഢ്യം പ്രകടിപ്പിച്ചുകൊണ്ടും 'വേക്കപ്പ് കേരളം' പ്രവർത്തകർ തൃശൂരിൽ ഐക്യദാർഢ്യ റാലിയും പൊതുസമ്മേളനവും സംഘടിപ്പിച്ചു.

തൃശൂർ നഗരത്തിൽ നടന്ന പരിപാടിയിൽ വിവിധ ആവശ്യങ്ങൾ ഉന്നയിച്ചുകൊണ്ട് പ്രവർത്തകർ മുദ്രാവാക്യം വിളിച്ചു. തിരഞ്ഞെടുപ്പ് പ്രക്രിയയിൽ സുതാര്യത ഉറപ്പാക്കണമെന്നും, ഇ വി എം സംവിധാനം നിർത്തലാക്കി ബാലറ്റ് പേപ്പർ സംവിധാനം പുനഃസ്ഥാപിക്കണമെന്നും പ്രതിഷേധക്കാർ ആവശ്യപ്പെട്ടു.

പൊതുസമ്മേളനത്തിൽ ശ്രീ പ്രമോദ് പുഴങ്കര മുഖ്യ പ്രഭാഷണം നടത്തി. അദ്ദേഹം തിരഞ്ഞെടുപ്പ് കമ്മീഷന്റെ പ്രവർത്തനങ്ങളെ വിമർശിക്കുകയും, കർഷകരുടെ സമരങ്ങൾക്ക് പിന്തുണ പ്രഖ്യാപിക്കുകയും ചെയ്തു. രാജ്യത്തെ ജനാധിപത്യ സംവിധാനങ്ങളെ സംരക്ഷിക്കേണ്ടതിന്റെ ആവശ്യകതയെക്കുറിച്ചും അദ്ദേഹം സംസാരിച്ചു.