અમરેલી કલેકટર કચેરી સામે કોંગ્રેસનું ધરણા, ચૂંટણીપંચ અને સરકાર સામે ગંભીર આક્ષેપો

ભારતીય રાષ્ટ્રીય કોંગ્રેસના આદેશ અને ગુજરાત પ્રદેશ કોંગ્રેસ સમિતિની સૂચના મુજબ, અમરેલી કલેકટર કચેરી સામે કોંગ્રેસ દ્વારા ધરણા પ્રદર્શન યોજવામાં આવ્યું હતું. આ પ્રદર્શન દરમિયાન કલેકટર મારફત રાષ્ટ્રપતિને સંબોધીને આવેદનપત્ર પાઠવવામાં આવ્યું હતું. અમરેલી જિલ્લા કોંગ્રેસ પ્રમુખ પ્રતાપ દુધાત, પૂર્વ ધારાસભ્ય સાવરકુંડલા-લીલીયા તથા જિલ્લા કોંગ્રેસના આગેવાનો અને કાર્યકરોએ ચૂંટણી પંચ અને સરકાર સામે આક્ષેપો કરી વિરોધ નોંધાવ્યો હતો.

કોંગ્રેસના જણાવ્યા મુજબ, ચૂંટણી પ્રક્રિયામાં સીઆરઆઈ (SIR) ની કામગીરી દરમિયાન દેશના ૧૫ કરોડથી વધુ મતદારોના નામ કમી કરવામાં આવ્યા હોવાનો આક્ષેપ કરવામાં આવ્યો છે. આ કારણે મતદારોને મતાધિકારથી વંચિત રાખવાનો આરોપ લગાવવામાં આવ્યો છે. આ ઉપરાંત, ચૂંટણી પ્રક્રિયામાં મનસ્વી કામગીરી કરનાર જવાબદારો સામે કડક કાર્યવાહી કરવાની માંગ પણ કરવામાં આવી છે.

અમરેલી જિલ્લામાં સીઆરઆઈની કામગીરી દરમિયાન ફોર્મ નંબર 7માં ખોટી વિગતો ભરવામાં આવી હોવાનો આક્ષેપ પણ ઉઠાવવામાં આવ્યો છે. આ મામલે તપાસ કરવાની માંગ કરાઈ છે. જો યોગ્ય અને સમયસર કાર્યવાહી નહીં થાય, તો આગામી દિવસોમાં આંદોલન અને ગામ બંધ જેવા કાર્યક્રમો કરવાની ચીમકી આપવામાં આવી છે.

આ કાર્યક્રમમાં તાલુકા અને શહેર કોંગ્રેસ પ્રમુખો સહિત આગેવાનો અને કાર્યકરો મોટી સંખ્યામાં ઉપસ્થિત રહ્યા હતા.