સાબરકાંઠામાં વરસાદના અભાવે ખેડૂતોની ચિંતામાં વધારો, સિંચાઈ વિભાગે આપી માહિતી..

સાબરકાંઠામાં-:
વરસાદની લાંબા સમયથી અછત વર્તાઈ રહી છે,જેના કારણે ખેડૂતોની ચિંતામાં નોંધપાત્ર વધારો થયો છે. ચોમાસાની સિઝન શરૂ થયા બાદ પણ અપૂરતો વરસાદ ખેતીવાડી પર તેની ગંભીર અસરો દર્શાવી રહ્યો છે..

આ પરિસ્થિતિ અંગે સિંચાઈ વિભાગના કાર્યપાલક ઈજનેર નિકુંજ પટેલે જણાવ્યું છે કે, વરસાદના અભાવે જળ સ્તરમાં ઘટાડો થયો છે અને સિંચાઈ માટે પાણીની ઉપલબ્ધતા પર અસર પડી રહી છે. ખેડૂતો હાલમાં પાક સંરક્ષણ અને સિંચાઈના વૈકલ્પિક સ્ત્રોતો શોધવા મજબૂર બન્યા છે.ખેડૂતો દ્વારા વાવણી કરાયેલા પાકને જીવતદાન આપવા માટે વરસાદની તાતી જરૂરિયાત ઊભી થઈ છે.જો આગામી દિવસોમાં વરસાદ નહીં પડે તો ખેતીવાડીને મોટું નુકસાન થવાની ભીતિ સેવાઈ રહી છે,જેની સીધી અસર જિલ્લાની આર્થિક સ્થિતિ પર પડી શકે છે.