રાજપારડી નજીક સંજાલી ગામમાં આનંદ ચૌદસની ભવ્ય ઉજવણી, કૃષ્ણપુરીમાં ગણપતિ વિસર્જન

આજ રોજ રાજપારડી નજીક સંજાલી ગામમાં આનંદ ચૌદસ ઉત્સવની ભવ્ય ઉજવણી કરવામાં આવી હતી. આ ઉત્સવમાં મોટી સંખ્યામાં સ્થાનિક લોકો અને આસપાસના વિસ્તારોમાંથી આવેલા શ્રદ્ધાળુઓએ ભાગ લીધો હતો.

આ ઉત્સવ નિમિત્તે ગામમાં વિવિધ ધાર્મિક કાર્યક્રમો અને સાંસ્કૃતિક પ્રવૃત્તિઓનું આયોજન કરવામાં આવ્યું હતું. લોકોએ ઉત્સાહભેર ભાગ લઈને આનંદ ચૌદસની ઉજવણી કરી હતી.

તેની સાથે જ આ ઉત્સવ નું સમાપન કૃષ્ણપુરી ગામ ખાતે નર્મદા નદીના કિનારે આવેલા ઘાટ પર ભગવાન ગણપતિ બાપાની મૂર્તિઓનું પરંપરાગત રીતે વિસર્જન કરવામાં આવ્યું. આ પ્રસંગે પણ મોટી સંખ્યામાં ભક્તો ઉપસ્થિત રહ્યા હતા અને ભક્તિમય માહોલમાં વિસર્જન સંપન્ન થયું.