రిమ్స్ అగ్ని ప్రమాద స్థలాన్ని పరిశీలించిన బీఆర్ఎస్ ప్రతినిధుల బృందం

ఆదిలాబాద్: రిమ్స్ ఆసుపత్రిలో జరిగిన అగ్ని ప్రమాద స్థలాన్ని, చికిత్స పొందుతున్న చిన్నారులను బీఆర్ఎస్ ప్రతినిధుల బృందం పరిశీలించింది. ప్రమాదానికి సంబంధించిన వివరాలను వైద్యులు, సిబ్బందిని అడిగి తెలుసుకున్నారు.
ఈ సందర్భంగా అగ్ని ప్రమాదంలో మృతి చెందిన 6 మంది చిన్నారుల కుటుంబాలకు ఒక్కో కుటుంబానికి రూ.1 లక్ష చొప్పున నష్టపరిహారం అందజేస్తామని బీఆర్ఎస్ పార్టీ తరఫున ప్రతినిధులు ప్రకటించారు. చికిత్స పొందుతున్న చిన్నారులకు మెరుగైన వైద్యం అందించాలని ప్రభుత్వాన్ని కోరారు.