ધારી-તુલસીશ્યામ રોડ પર જીરા ગામ પાસે અટીકા અને ટુ-વ્હીલ વચ્ચે ગંભીર અકસ્માત, એક ઈજાગ્રસ્ત

ધારી-તુલસીશ્યામ રોડ પર જીરા ગામ પાસે આવેલા વળાંકમાં એક અટીકા (ગાડી) અને ટુ-વ્હીલર વચ્ચે ધડાકાભેર ગંભીર અકસ્માત સર્જાયો હતો. આ ઘટનાની જાણ થતાં જ ધારી પોલીસ તાત્કાલિક ઘટના સ્થળે દોડી આવી હતી.

અકસ્માતમાં ટુ-વ્હીલર ચાલકને ગંભીર ઈજાઓ થતાં તેને ૧૦૮ મારફતે નજીકની હોસ્પિટલમાં પ્રાથમિક સારવાર આપવામાં આવી હતી. ત્યારબાદ વધુ સારવાર માટે તેને અમરેલી સિવિલ હોસ્પિટલ ખાતે ખસેડવામાં આવ્યો હતો. સદનસીબે, અટીકા ગાડીમાં સવાર લોકોને કોઈ જાનહાની થઈ નથી, જોકે ગાડીને પણ મોટું નુકસાન થયું છે.

પ્રાપ્ત માહિતી અનુસાર, ઈજાગ્રસ્ત ટુ-વ્હીલર ચાલક કરમદડી ગામનો રહેવાસી છે, જ્યારે અટીકા ગાડીનો ચાલક ખીસરી ગામનો રહેવાસી છે. પોલીસે આ મામલે વધુ તપાસ હાથ ધરી છે.