సిరికొండ: మండల కేంద్రంలోని యువ చైతన్య గణేష్ మండలి ఆధ్వర్యంలో నిర్వహించిన వివిధ ఆటల పోటీల్లో విజేతలైన చిన్నారులకు బహుమతులు ప్రదానం చేశారు

సర్పంచ్ బొడ్డు దత్తాత్రి, గ్రామస్తులు కలిసి చిన్నారులకు బహుమతులు అందజేశారు.
అనంతరం గణపతి లడ్డూ వేలం పాట నిర్వహించగా సునీల్ పాటిల్ రూ.23 వేలతో లడ్డూ ప్రసాదాన్ని దక్కించుకున్నారు. అంతకుముందు గణేష్ మండలి నిర్వాహకుల ఆధ్వర్యంలో అన్నదాన కార్యక్రమం నిర్వహించారు. ఈ కార్యక్రమంలో గ్రామ పెద్దలు, గ్రామస్తులు, మహిళలు, యువకులు, చిన్నారులు పెద్ద సంఖ్యలో పాల్గొన్నారు. గణేష్ ఉత్సవాలను ఘనంగా నిర్వహించిన మండలి నిర్వాహకులను గ్రామస్తులు అభినందించారు.