વિરમગામ એસટી બસ સ્ટેન્ડમાં વરસાદી પાણી ભરાતા મુસાફરો પરેશાન

અમદાવાદ જીલ્લાના વિરમગામ એસટી બસ સ્ટેન્ડમાં વરસાદી પાણી ભરાઈ જતાં તેમજ પાણીમાંથી દુર્ગંધ આવતી હોવાથી મુસાફરોને ભારે મુશ્કેલીનો સામનો કરવો પડી રહ્યો છે.મુસાફરોના જણાવ્યા મુજબ, વરસાદી પાણીના નિકાલ માટે યોગ્ય વ્યવસ્થા કરવામાં આવી નથી. છેલ્લા ત્રણ દિવસથી વિરમગામ વિસ્તારમાં વરસાદ ન હોવા છતાં અગાઉ પડેલા વરસાદનું પાણી હજુ પણ બસ સ્ટેન્ડ વિસ્તારમાં ભરાયેલું જોવા મળી રહ્યું છે. પાણી ભરાઈ રહેતા દુર્ગંધ પણ ફેલાઈ રહી છે.
વરસાદી પાણીના નિકાલની યોગ્ય વ્યવસ્થા કરી બસ સ્ટેન્ડ વિસ્તારમાંથી પાણી દૂર કરવામાં આવે અને મુસાફરોને પડતી હાલાકીનો તાત્કાલિક ઉકેલ લાવવામાં આવે તેવી માંગ ઉઠી છે.
રિપોર્ટર.આસીક અલી ગીલાણી વિરમગામ