સુરત મહાનગરપાલિકા કર્મચારીઓની સમયપાલન માટે કડક તપાસ શરૂ

સુરત મહાનગરપાલિકાએ કર્મચારીઓની કામગીરી અને સમયપાલનને લઈને તંત્ર સખત વલણ અપનાવ્યું છે. મ્યુનિસિપલ કમિશનરે વિજિલન્સ વિભાગને વિશેષ તપાસના આદેશ આપ્યા છે.

વિજિલન્સ ટીમે મુખ્ય કચેરી અને વિવિધ વિભાગોમાં આકસ્મિક મુલાકાત લઈને લેટ લતીફ કર્મચારીઓની તપાસ હાથ ધરાઈ. મોડા આવનાર તમામ કર્મચારીઓ સામે કડક શિસ્તભંગ પગલાં લેવા તૈયારીઓ શરૂ થઈ છે.

ડેપ્યુટી કમિશનર નિધી સિવાચેએ જણાવ્યું કે, આ રૂટિન પ્રોસિજર છે. તેઓએ કહ્યું કે, દર વખતે ઝોન અને વિભાગોની કચેરીઓમાં દફતર તપાસ અને હાજરીની તપાસ કરીએ છીએ.

પાલિકામાં બાયોમેટ્રિક પંચિંગ પદ્ધતિ અમલમાં છે, તેમ છતાં ક્રોસ વેરિફિકેશન માટે આ પ્રકારની તપાસ ઝુંબેશ હાથ ધરવામાં આવે છે.