કચ્છ: માનકુવા પોલીસ સ્ટેશન વિસ્તારમાંથી ગેરકાયદેસર દેશી બનાવટની બંદૂક સાથે એક ઇસમ ઝડપાયો

પશ્ચિમ કચ્છ-ભુજ સ્પેશિયલ ઓપરેશન ગ્રુપ (SOG) દ્વારા કાયદો અને વ્યવસ્થાની સ્થિતિ જાળવી રાખવા માટે હાથ ધરવામાં આવેલી કામગીરી અંતર્ગત એક મોટી સફળતા મળી છે. એસ.ઓ.જી.ની ટીમે માનકુવા પોલીસ સ્ટેશન વિસ્તારમાંથી ગેરકાયદેસર હથિયાર સાથે એક ઇસમને ઝડપી પાડ્યો છે.

પ્રાપ્ત વિગતો અનુસાર, આ કાર્યવાહી માનકુવા પોલીસ સ્ટેશન વિસ્તારના ટાંકણાસર ગામથી પહેલા આવેલા વવાર ડુંગર પાસેથી કરવામાં આવી હતી. એસ.ઓ.જી.ની ટીમે આ સ્થળેથી એક શખ્સની અટકાયત કરી હતી.

પોલીસ દ્વારા ઝડપાયેલા આ ઇસમ પાસેથી ગેરકાયદેસર રીતે રાખવામાં આવેલી દેશી બનાવટની મજલ લોડ બંદુક મળી આવી હતી. પશ્ચિમ કચ્છ-ભુજ એસ.ઓ.જી. દ્વારા આ મામલે આગળની કાયદેસરની કાર્યવાહી હાથ ધરવામાં આવી છે.