ઉપરવાસમાં ઓછો વરસાદ રહેતા ડેમ હજુ ૧૭ ફૂટ ખાલી

ઉપરવાસમાં ઓછો વરસાદ રહેતા ડેમ હજુ ૧૭ ફૂટ ખાલી
મહિસાગર નદી પરનો કડાણા ડેમ ચોમાસું અડધું વીતી જવા છતાં હજુ પણ ખાલી નજરે પડે છે મહીસાગર જિલ્લાની જીવાદોરી ગણાતા અને ગુજરાતના ત્રીજા નંબરના સૌથી મોટા કડાણા ડેમમાં હાલ પાણી ની આવક અને જાવક નોધાઈ રહી છે હાલના તબક્કે કડાણા ડેમની જળસપાટી ૪૦૨.૮ ફૂટે પહોચી છે,જ્યારે તેની મહત્તમ સપાટી ૪૧૯ ફૂટ છે અડધું ચોમાસું પૂર્ણ થવા આવ્યું હોવા છતાં ડેમ તેની મહત્તમ સપાટીથી હજુ ૧૭ ફૂટ ખાલી રહેતા ચિતાના વાદળો ઘેરાયા છે ઉપરવાસ માં આવેલ રાજેસ્થાનના બજાજ સાગર ડેમ વિસ્તારમાં ઓછો વરસાદ થવાના કારણે કડાણા ડેમમાં પાણીની આવક પર અસર પડી છે કડાણા ડેમ ગુજરાત ના ૯ જિલ્લાઓને સિંચાઈ માટે પાણી પૂરું પાડે છે આ ઉપરાત મહીસાગર,પંચમહાલ અને દાહોદ જિલ્લાના ૧૫૬ જેટલા ગામોને પીવાનું શુધ્ધ પાણી પૂરું પાડવામાં આ ડેમ અગત્યનો ભાગ ભજવે છે ચોમાસાની બાકીની સીઝનમાં ઉપરવાસમાં સારો વરસાદ થાય અને ડેમ તેની પૂર્ણ સપાટીએ ભરાય તેવી ખેડૂતો અને સ્થાનિક નાગરિક આશા રાખી રહ્યા છે.