કપરાડા: સુથારપાડા આશ્રમ શાળાની કથળતી સ્થિતિ સામે સંગઠનમંત્રીની ઓચિંતી મુલાકાત

કપરાડા વિધાનસભાના સંગઠનમંત્રી રાજેશ રાઉત દ્વારા ધરમપુર નિરાતડગોળ સંચાલિત ઉત્તરબુનિયાદી આશ્રમ શાળા, સુથારપાડાની ઓચિંતી મુલાકાત લેવામાં આવી હતી. આ મુલાકાત દરમિયાન શાળાના સંચાલન અને ત્યાંની સુવિધાઓની ગંભીર સ્થિતિ સામે આવી હતી.

નિરીક્ષણ દરમિયાન જાણવા મળ્યું હતું કે આદિવાસી વિસ્તારમાં આવેલી આ આશ્રમ શાળાની હાલત અત્યંત ખરાબ છે. શાળાના મકાન અને અન્ય પાયાની સુવિધાઓના અભાવે વિદ્યાર્થીઓ અત્યંત મુશ્કેલ પરિસ્થિતિમાં અભ્યાસ કરવા માટે મજબૂર બન્યા છે.

સ્થાનિક સ્તરે શિક્ષણ મેળવતા આદિવાસી વિદ્યાર્થીઓની આ દુર્દશાને લઈને સંગઠનમંત્રી દ્વારા ગંભીર નોંધ લેવામાં આવી છે. શાળાની આ જર્જરિત સ્થિતિને કારણે વિદ્યાર્થીઓના શિક્ષણ અને સુરક્ષા સામે પ્રશ્નાર્થ ચિન્હો ઉભા થયા છે.