કપરાડામાં ધારાસભ્ય જીતુભાઈ ચૌધરીના હસ્તે સ્વચ્છતાના નવા વાહનોનું લોકાર્પણ

કપરાડા ખાતે આજે સ્વચ્છતા અભિયાનને વધુ સુદ્રઢ બનાવવાના હેતુથી નવા સ્વચ્છતા વાહનોનું લોકાર્પણ કરવામાં આવ્યું હતું. આ કાર્યક્રમમાં કપરાડાના ધારાસભ્ય જીતુભાઈ ચૌધરી મુખ્ય અતિથિ તરીકે ઉપસ્થિત રહ્યા હતા.

ધારાસભ્ય જીતુભાઈ ચૌધરીના હસ્તે વિધિવત રીતે આ વાહનોને લીલી ઝંડી આપી લોકાર્પણ કરવામાં આવ્યું હતું. આ વાહનોના આગમનથી વિસ્તારમાં કચરાના નિકાલની કામગીરી વધુ ઝડપી અને વ્યવસ્થિત બનશે તેવી અપેક્ષા વ્યક્ત કરવામાં આવી છે.

આ પ્રસંગે સ્થાનિક તંત્રના અધિકારીઓ અને મોટી સંખ્યામાં ગ્રામજનો ઉપસ્થિત રહ્યા હતા. સ્વચ્છતાના આ નવા વાહનો દ્વારા વિસ્તારમાં સ્વચ્છતા જાળવવા માટેની કામગીરી હવે વધુ અસરકારક રીતે હાથ ધરવામાં આવશે.