વંથલીના લુશાળા ગામે જુગારધામ પર પોલીસનો દરોડો: ૬ શખ્સો ઝડપાયા

વંથલી તાલુકાના લુશાળા ગામે પ્લોટ વિસ્તારમાં આવેલી એક જાહેર જગ્યાએ ગંજીપત્તા વડે તીનપત્તીનો જુગાર રમાઈ રહ્યો હોવાની બાતમી વંથલી પોલીસને મળી હતી. આ બાતમીના આધારે પોલીસ કોન્સ્ટેબલ દીલીપ બચુભાઈ તથા તેમની ટીમે પેટ્રોલિંગ દરમિયાન સ્થળ પર દરોડો પાડ્યો હતો.

પોલીસની આ કાર્યવાહીમાં જુગાર રમતા ૬ શખ્સોને રંગેહાથ ઝડપી પાડવામાં આવ્યા હતા. તપાસ દરમિયાન સ્થળ પરથી હાર-જીતના જુગાર માટે વપરાતી રૂ. ૪,૬૩૦ની રોકડ રકમ, ૫૨ ગંજીપત્તાના પાના અને એક પાથરણું મળી કુલ રૂ. ૪,૬૩૦નો મુદ્દામાલ પોલીસે કબજે કર્યો હતો.

ઝડપાયેલા તમામ ૬ ઇસમો લુશાળા ગામના જ રહેવાસી હોવાનું પ્રાથમિક તપાસમાં બહાર આવ્યું છે. વંથલી પોલીસ સ્ટેશન ખાતે આ અંગે ગુનો નોંધી તમામ આરોપીઓ વિરુદ્ધ કાયદેસરની કાર્યવાહી હાથ ધરવામાં આવી છે.