🔥 TRENDING Kerala Seeks New Export Avenues Throug... ଖସିବ ପାରଦ, ଥରିବ ଓଡ଼ିଶା; କାର୍ତ୍ତିକ ପୂର୍... Muvattupuzha Streets Darken Days After... KSRTC Launches Daily Swift Bus from Ni... India Lead New Zealand by 118 Runs Aft... 25‑Year‑Old Telangana Man Dies in US M...
21 Nov 2026•
ગુજરાતી मराठी ਪੰਜਾਬੀ বাংলা
માંગરોળમાં એકતા ફાઉન્ડેશન દ્વારા સ્વતંત્રતા પર્વ નિમિત્તે ભવ્ય રક્તદાન કેમ્પ: ૧૫૦ યુવાનોએ કર્યું રક્તદાન
Local

માંગરોળમાં એકતા ફાઉન્ડેશન દ્વારા સ્વતંત્રતા પર્વ નિમિત્તે ભવ્ય રક્તદાન કેમ્પ: ૧૫૦ યુવાનોએ કર્યું રક્તદાન

✍️ Reporter: SUDIP GADHIYA 🗓 16 Aug 2026, 03:50 PM 👁 118
Watch on: ▶️ YouTube
Share: 💬 WhatsApp 📘 Facebook 𝕏 Post

માંગરોળ એકતા ફાઉન્ડેશન દ્વારા ૮૦મા સ્વતંત્રતા પર્વ નિમિત્તે આયોજિત રક્તદાન કેમ્પમાં ૧૫૦ થી વધુ હિન્દુ-મુસ્લિમ યુવાનોએ ઉત્સાહભેર ભાગ લઈને કોમી એકતા અને માનવતાનું ઉત્તમ ઉદાહરણ પૂરું પાડ્યું.

માંગરોળ, જુનાગઢ: શહેરના માંગરોળ એકતા ફાઉન્ડેશન દ્વારા તાજેતરમાં ૮૦મા સ્વતંત્રતા પર્વની ઉજવણીના ભાગરૂપે એક ભવ્ય રક્તદાન કેમ્પનું આયોજન કરવામાં આવ્યું હતું. આ કાર્યક્રમમાં અંદાજે ૧૫૦ થી વધુ હિન્દુ અને મુસ્લિમ યુવાનોએ સ્વૈચ્છિક રીતે પોતાનું રક્તદાન કરીને માનવતાનું ઉત્તમ ઉદાહરણ પૂરું પાડ્યું હતું. આ પહેલ દ્વારા કોમી એકતાનો સંદેશ પણ મજબૂત બન્યો હતો.

માંગરોળ એકતા ફાઉન્ડેશન હંમેશા જરૂરિયાતના સમયે, કુદરતી કે માનવસર્જિત આપત્તિઓમાં, તેમજ ધાર્મિક, રાષ્ટ્રીય પર્વો અને શૈક્ષણિક કે આરોગ્યલક્ષી સેવાઓ દ્વારા લોક ઉપયોગી કાર્યો કરવા માટે જાણીતું છે. આ રક્તદાન કેમ્પ પણ તેમના આ સેવાકીય અભિગમનો એક ભાગ હતો.

૧૫મી ઓગસ્ટના રોજ આયોજિત આ બ્લડ ડોનેશન કેમ્પમાં ૧૫૦ થી વધુ રક્તદાતાઓએ ઉત્સાહપૂર્વક ભાગ લીધો હતો. દર વખતની જેમ, આ વખતે પણ હિન્દુ અને મુસ્લિમ યુવાનોએ સાથે મળીને રક્તદાન કર્યું હતું, જે સમાજમાં ભાઈચારા અને એકતાનું પ્રતિક બન્યું હતું.

આ કાર્યક્રમની સફળતામાં વિવિધ રાજકીય પક્ષોના નેતાઓ, વિવિધ સંસ્થાઓના હોદ્દેદારો અને સામાજિક-શૈક્ષણિક સંસ્થાઓના લોકો મોટી સંખ્યામાં જોડાયા હતા. એકતા ફાઉન્ડેશનના યુવાનો અને બ્લડ બેંકના કર્મચારીઓએ આ કાર્યક્રમને સફળ બનાવવા માટે અથાગ મહેનત અને જહેમત ઉઠાવી હતી.

રિપોર્ટર સુદીપ ગઢીયા 9909622115
📲Get App