રાજ્યપાલ આચાર્ય દેવવ્રતજીનો વિસનગરના સદુથલામાં લોકસંવાદ અને પ્રાકૃતિક ખેતીનો અનુરોધ

વિસનગરના સદુથલા ખાતે રાજ્યપાલ શ્રી આચાર્ય દેવવ્રતજીએ ગ્રામજનો સાથે એક આત્મીય લોકસંવાદ કાર્યક્રમ યોજ્યો હતો. આ પ્રસંગે, રાજ્યપાલશ્રીએ સદુથલા ગામની પ્રાથમિક શાળામાં જ રાત્રિ મુકામ કર્યો હતો.

બીજા દિવસે સવારે, રાજ્યપાલશ્રીએ શાળાના પ્રાંગણમાં વિદ્યાર્થીઓ, ગ્રામજનો અને યુવાનો સાથે યોગાભ્યાસ કર્યો. તેમણે રોજિંદા જીવનમાં યોગ, વ્યાયામ અને શારીરિક શ્રમના મહત્ત્વ પર ભાર મૂક્યો હતો.

રાજ્યપાલશ્રીએ ખાસ કરીને ખેડૂતોને આહ્વાન કર્યું કે આજની પેઢી અને આવનારા ભવિષ્યને બચાવવા માટે તેઓ પ્રાકૃતિક ખેતી અપનાવે. તેમણે પ્રાકૃતિક ખેતીના ફાયદા અને તેના દ્વારા સ્વાસ્થ્ય તથા પર્યાવરણની સુરક્ષા અંગે માર્ગદર્શન આપ્યું.