ભિલાડ રેલવે સ્ટેશનમાં વિરાર-ભરૂચ MEMU ટ્રેનનું એન્જિન પાટા પરથી ઉતર્યું, કોઈ જાનહાનિ નહીં

ભિલાડ રેલવે સ્ટેશન પર વિરાર-ભરૂચ MEMU ટ્રેનનું એન્જિન પાટા પરથી ઉતરતા મોટી દુર્ઘટના ટળી. ટ્રેનનું એન્જિન ટ્રેકમાંથી બહાર પડી, પરંતુ તાત્કાલિક પગલાં લીધા બાદ પરિસ્થિતિ કાબૂમાં આવી.

સદનસીબે કોઈ પણ મુસાફર અથવા સ્ટાફને ઇજા ન થઈ. અકસ્માતની જાણ થઈ તુરંત જ સુરક્ષા ટીમો અને રેલવે અધિકારીઓએ સ્થળની તપાસ શરૂ કરી અને ટ્રેનને સુરક્ષિત રીતે ફરી ટ્રેક પર લાવવામાં સફળતા મેળવી.

આ ઘટનાના કારણે મુંબઈ રૂટ પર ટ્રેન વ્યવહાર પ્રભાવિત થયો. અનેક ટ્રેનોમાં વિલંબ થયો, જેના કારણે મુસાફરોને હાલાકીનો સામનો કરવો પડ્યો. રેલવે વિભાગે મુસાફરોને સમયસર માહિતી આપીને વિકલ્પ માર્ગો અને વિકલ્પ ટ્રેનોની વ્યવસ્થા કરી.

ઘટનાની તપાસ ચાલુ છે, અને રેલવે અધિકારીઓએ સુરક્ષા પ્રોટોકોલની સમીક્ષા કરીને ભવિષ્યમાં આવી ઘટનાઓને અટકાવવા માટે જરૂરી પગલાં લેવા જણાવ્યું.