भोरमधील हातवे‑केतकावणे पुलावर बिबट्या आढळला

पुणे जिल्ह्याच्या भोर तालुका अंतर्गत हातवे‑केतकावणे पुलावर रात्री ८ वाजण्याच्या सुमारास बिबट्याचा मुक्त संचार होताना आढळला. हा प्रसंग स्थानिक वाहनचालकांनी नोंदविला आणि त्याचा व्हिडिओ मोबाईलवर कैद केला.

बिबट्याच्या वाढत्या वावरामुळे परिसरातील नागरिकांमध्ये भीतीचे वातावरण निर्माण झाले आहे. विशेषतः रात्रीच्या वेळी या मार्गावरून प्रवास करणाऱ्या चालकांनी अतिरिक्त खबरदारी घेण्याचे आवाहन केले आहे.

वन खात्याने या दुष्काळी परिस्थितीत जंगलात किंवा अति दाट झाडी या ठिकाणी पाणवठे तयार करून पशुपक्षी यांच्यासाठी पाण्याची सोय करणे गरजेचे आहे असे नागरिकांकडून सांगितले जात आहे.

स्थानिक प्रशासनाने सध्या परिस्थितीवर लक्ष ठेवत असल्याचे कळविले असून, रहिवाशांना सुरक्षित प्रवासासाठी आवश्यक खबरदारी घेण्याची सूचना दिली आहे.