સુરતમાં શિયાળાની શરૂઆત સાથે જ પ્રદૂષણ 'અનહેલ્ધી' સ્તરે, AQI 192 પર પહોંચ્યો

સુરત શહેરમાં શિયાળાની ઋતુના પ્રારંભ સાથે જ વાયુ પ્રદૂષણનું જોખમી સ્તર સામે આવ્યું છે. તાજા રિયલ-ટાઇમ અહેવાલ મુજબ સમગ્ર સુરત શહેરનો એર ક્વોલિટી ઇન્ડેક્સ (AQI) 192 પર પહોંચી ગયો છે, જે ‘અનહેલ્ધી’ (અસ્વસ્થ) શ્રેણીમાં આવે છે.

શહેરમાં PM2.5નું પ્રમાણ 111 µg/m³ અને PM10નું પ્રમાણ 124 µg/m³ પર નોંધાયું છે. આ આંકડાઓ દર્શાવે છે કે શહેરમાં હવાની ગુણવત્તા ઘટી ગઈ છે અને પ્રદૂષણનું સ્તર સામાન્ય સીમાઓથી ઘણું ઉપર છે.

આ વર્તમાન સ્થિતિ સામાન્ય નાગરિકો અને ખાસ કરીને શ્વાસના દર્દીઓ, બાળકો તથા વડીલો માટે અત્યંત જોખમી સ્થિતિ દર્શાવે છે. આવા સમયે આ સંવેદનશીલ વર્ગના લોકોએ બહાર નીકળવાથી બચવું જોઈએ અને શ્વાસની સમસ્યાઓમાંથી રાહત મેળવવા માટે યોગ્ય સાવધાની રાખવી જરૂરી છે.