અરવલ્લી જિલ્લામાં દિવાળી સુરક્ષા માટે પોલીસએ સખત પગલાં, 8 સરહદો પર ચુસ્ત બંદોબસ્ત

અરવલ્લી જિલ્લામાં દિવાળી તહેવારો પહેલાં સુરક્ષા તૈયારીઓમાં તેજી લાવવા માટે પોલીસએ એક્શન મોડમાં પ્રવેશ કર્યો છે. કાયદો અને વ્યવસ્થા જળવાઈ રહે, તહેવારો શાંતિપૂર્ણ માહોલમાં ઉજવાય એ માટે પોલીસની સજ્જતા સ્પષ્ટ છે.

રાજસ્થાન અને દિલ્હી તરફથી ગુજરાતમાં પ્રવેશતા વાહનોનું સઘન ચેકિંગ કરવામાં આવી રહ્યું છે. અરવલ્લી જિલ્લાની આશરે આઠ આંતરરાજ્ય સરહદો પર પોલીસનો ચુસ્ત બંદોબસ્ત ગોઠવાયો છે, જેથી કોઈપણ ગેરકાયદેસર પ્રવૃત્તિ રોકી શકાય.

ખાસ કરીને દારૂની હેરાફેરી અટકાવવા અને શંકાસ્પદ પ્રવૃત્તિઓ પર નજર રાખવા પોલીસ સતર્ક બની છે. તમામ ચેકપોઈન્ટ્સ પર કડક તપાસ અને જરૂરી કાયદાકીય કાર્યવાહી કરવામાં આવશે.

પોલીસ અધિકારીઓનું કહેવું છે કે આ પગલાંઓ દ્વારા દિવાળી દરમિયાન કોઈપણ પ્રકારની અશાંતિ કે ગેરકાયદેસર પ્રવૃત્તિઓને અટકાવીને જનતા માટે સુરક્ષિત અને સુખદ તહેવાર સુનિશ્ચિત કરવામાં આવશે.