ઉના નજીક દરિયામાં ફિશિંગ બોટ ડૂબી, 6 ખલાસીઓનો આબાદ બચાવ

ઉનાના દરિયામાં એક દુર્ઘટના સર્જાઈ હતી જ્યાં એક ફિશિંગ બોટ ડૂબી ગઈ હતી. આ ઘટના દરિયાકાંઠાથી આશરે 10 નોટિકલ માઈલ દૂર બની હતી. પ્રાથમિક માહિતી અનુસાર, ભારે કરન્ટ અને મોજાના તેજ વેગને કારણે બોટ જલસામાધિ થઈ ગઈ હતી.

આ દુર્ભાગ્યપૂર્ણ ઘટનામાં બોટમાં સવાર તમામ 6 ખલાસીઓનો સુરક્ષિત રીતે બચાવ થયો છે. નજીકમાં પસાર થઈ રહેલી અન્ય બોટના ખલાસીઓએ સમય સૂચકતા વાપરીને તમામને બચાવી લીધા હતા, જેના કારણે મોટી જાનહાની ટળી હતી.

આ ઘટનાનો એક લાઈવ વિડીયો પણ સામે આવ્યો છે, જેમાં ડૂબતી બોટ અને બચાવ કાર્ય સ્પષ્ટપણે જોઈ શકાય છે. ખલાસીઓના સહીસલામત બચાવથી સૌ કોઈએ રાહતનો શ્વાસ લીધો છે.