રાધનપુર-ભાભર હાઈવે પર ગમખ્વાર અકસ્માત, 5 ઘાયલ

રાધનપુર-ભાભર હાઈવે પર કોલ્હાપુર ગામના પાટિયા નજીક ગમખ્વાર અકસ્માત સર્જાયો છે, જેમાં એક કાર ઝાડ સાથે અથડાઈ ગઈ. આ અકસ્માતમાં કારમાં સવાર પાંચ લોકો, જેમાં ત્રણ મહિલા શિક્ષકો પણ શામેલ છે, ઘાયલ થયા છે.

આ અકસ્માત બાઈકને બચાવવાનો પ્રયાસ કરતા કાર ચાલકે સ્ટિયરિંગ પરથી કાબૂ ગુમાવવાથી થયો. અકસ્માતમાં ઘાયલ થયેલ તમામને તાત્કાલિક 108 એમ્બ્યુલન્સ મારફતે નજીકની હોસ્પિટલમાં ખસેડવામાં આવ્યા છે. એક વ્યક્તિને વધુ સારવાર માટે રીફર કરવામાં આવી છે.

આ ઉપરાંત, બાઈક ચાલકને પણ ઈજા પહોંચી છે. અકસ્માતની જાણ થતાં જ રાધનપુર પોલીસ ઘટના સ્થળે પહોંચી ગઈ અને અકસ્માત અંગે વધુ તપાસ શરૂ કરી છે.