ગાંધીધામમાં ગરીબોના પ્લોટ માટે 40મા દિવસે પણ ધરણાં ચાલુ

ગાંધીધામ ખાતે ગરીબોના હક્ક માટે ચાલી રહેલા ધરણાં પ્રદર્શનનો આજે 40મો દિવસ છે. ધરણાં સ્થળે લખનભાઈ ધૂવાએ લોકોને સંબોધતા આઝાદીના 80 વર્ષ પછી પણ ગરીબોની સ્થિતિ પર પ્રશ્નો ઉઠાવ્યા હતા. તેમણે કહ્યું કે, "આતો કેવી આઝાદી છે?"

ધરણાંમાં ઉપસ્થિત લોકોએ જણાવ્યું કે, દેશમાં અદાણી અને અંબાણી જેવા ઉદ્યોગપતિઓને હજારો એકર જમીન મફત ભાવે આપી દેવામાં આવી છે, પરંતુ ગરીબો માટે 100 વારનો પ્લોટ પણ ફાળવવામાં આવતો નથી. આ ભેદભાવપૂર્ણ નીતિ સામે લોકોમાં ભારે નારાજગી છે.

ગરીબોને પ્લોટ ફાળવવા અને તેમના હક્ક માટે છેલ્લા 40 દિવસથી શાંતિપૂર્ણ રીતે ધરણાં કરવામાં આવી રહ્યા છે. લોકો સરકાર અને તંત્ર પાસે તાત્કાલિક ધોરણે તેમની માંગણીઓ સ્વીકારવાની અપેક્ષા રાખી રહ્યા છે.