తణుకు మున్సిపాలిటీలో వార్డుల పునర్విభజన: అభ్యంతరాలకు 14 వరకు గడువు

తణుకు మున్సిపల్ పరిధిలో ఉన్న 34 వార్డులను 44 వార్డులుగా పునర్విభజన చేసినట్లు మున్సిపల్ కమిషనర్ టి.రామ్ కుమార్ తెలిపారు. పైడిపర్రు, వీరభద్రపురం, వెంకటరాయపురం ప్రాంతాలను కలిపి ఈ విభజన చేపట్టామని ఆయన పేర్కొన్నారు.

ఈ వార్డుల పునర్విభజనపై ఏవైనా అభ్యంతరాలు లేదా సూచనలు ఉంటే ఈనెల 14వ తేదీ లోపు మున్సిపల్ కార్యాలయంలో లిఖితపూర్వకంగా తెలియజేయాలని కమిషనర్ ప్రజలను కోరారు.

త్వరలో మున్సిపల్ ఎన్నికల నిర్వహణకు అన్ని ఏర్పాట్లు వేగంగా జరుగుతున్నాయని ఆయన వెల్లడించారు. ఈ పునర్విభజన ప్రక్రియ ఎన్నికల సన్నద్ధతలో భాగంగా చేపట్టినట్లు సమాచారం.