ગુજરાત 112 ની ટીમે બાયડના પદયાત્રીને ફોન પરત કરી ઈમાનદારીનું ઉદાહરણ પૂરું પાડ્યું

બાયડથી પગપાળા યાત્રા પર નીકળેલા એક યાત્રાળુનો મોબાઈલ ફોન માર્ગમાં પડી ગયો હતો. આ ઘટનાની જાણ થતાં જ ગુજરાત 112 ની ઈમાનદાર ટીમે તાત્કાલિક કાર્યવાહી કરી હતી.

પોલીસ કોન્સ્ટેબલ હિરાલબા પ્રવીણસિંહ બ. નં ૦૩૩૮ ASI લેબાભાઈ ભુરાભાઈ બ.નં ૨૪૭ અને GHG વિક્રમભાઈ પંડ્યા બ નં ૯૦૬૭ ની ટીમ દ્વારા આ ફોન શોધી કાઢવામાં આવ્યો હતો. ડ્રાઈવર રબારી વિહાભાઇ કલાભાઈ પણ આ ટીમના સભ્ય હતા.

આ ટીમે ફોન શોધી કાઢીને તેના માલિક, બાયડથી આવતા પદયાત્રીને પરત કર્યો હતો. ગુજરાત 112 ની ટીમે પોતાની ફરજ નિષ્ઠાપૂર્વક બજાવીને અને પ્રામાણિકતાનું ઉત્તમ ઉદાહરણ પૂરું પાડ્યું છે, જેના કારણે લોકોમાં પોલીસ પ્રત્યે વિશ્વાસ વધુ દ્રઢ બન્યો છે.