वेताळ पेठेत 'होम मिनिस्टर' कार्यक्रमात महिलांचा उत्साहात सहभाग

शारदीय नवरात्र उत्सवाच्या पार्श्वभूमीवर तुफान वेताळ पेठ येथे जय मातादी महिला मंडळ आणि लक्ष्मी ज्वेलर्स यांच्या संयुक्त विद्यमाने 'होम मिनिस्टर' या कार्यक्रमाचे आयोजन करण्यात आले. या कार्यक्रमात महिलांनी मोठ्या उत्साहात भाग घेतला.

कार्यक्रमाला जिल्हा परिषद सदस्या स्वरूपा थोपटे, नगरसेविका मनिषा पवार आणि नगरसेविका मयुरी गायकवाड यांची प्रमुख उपस्थिती होती. त्यांच्यासह परिसरातील शेकडो महिलांनी या कार्यक्रमाला हजेरी लावली.

नवरात्र उत्सवाच्या काळात आयोजित करण्यात आलेल्या या 'होम मिनिस्टर' कार्यक्रमाने महिलांमध्ये आनंदाचे आणि उत्साहाचे वातावरण निर्माण केले.